鄭融昨日到商台接受訪問，她透露近日忙於練習印度舞，準備周日到砵蘭街做騷，屆時還要露出肚皮示人。
無懼特別目光
問到在紅燈區演出，會否擔心惹來男士的「特別」目光，鄭融說：「我個辣椒廣告牌都喺嗰度，同啲黃色招牌撞埋一齊，俾人昅都冇法，做呢行預咗啦，人哋昅你都只係放喺心中，俾人移花接木重死！其實出寫真都會俾人用有色眼鏡話係露背露波，好在我性格唔理咁多。」
鄭融表示日前與朋友唱完卡拉ＯＫ後乘的士歸家，發現被狗仔隊跟蹤，令她大為驚慌，她說：「我即刻打畀公司問點算，因為我身上得五十蚊，但程的士要百二蚊，後來叫咗阿媽落嚟畀錢囉。」
採訪、攝影：駱華齡