去酒樓歎茶會叫蝦腸或叉腸，食艇仔粥會加碟齋腸或炸両，去海皇粥店大抵可以試試新出的咖喱撈腸。3款撈腸包括咖喱牛腩腸、咖喱雞絲腸及咖喱排骨腸，以日式咖喱配以牛腩、雞絲或排骨，軟滑的腸粉吸收了咖喱的精華，陣陣咖喱香味撲鼻而來，加上滑嘟嘟的腸粉，比食慣的咖喱飯或意粉更香滑。腸粉一般被視為粥品的搭檔，可有可無，不過，今回加上咖喱汁兼有埋餸，由陪襯品變為主角，齋叫碟腸粉都可以當正餐。 記者：招佩珊
全線海皇粥店供應 查詢：27357683
