陳奕迅（Eason）昨日以油脂仔造型在女舞蹈員襯托下現身記者會，即場示範調酒，不過卻雞手鴨腳。Eason即將舉行的音樂會主題是「一夜舞會跳不夜舞」，他將表演不同年代的舞蹈，並打算邀請郭富城任嘉賓，Eason說：「睇佢有冇時間，若果請郭富城，咪要請埋張學友、劉德華同黎明，咁天王殺手周華健都要請，許志安、李克勤同古巨基都唔漏得，不如將主題改埋做『夠薑就嚟』。」
搵EO2排舞
另外，Eason考慮找EO2排舞，他說：「其實我十年前已經想做跳舞偶像，不過公司話不如做實力派歌手，留番十年後再轉新形象喎。我重有長髮、留鬚同戴眼鏡look做秘密武器。」
採訪、攝影：馬建華