上周，經紀黃話過有人睇富力地產（2777）股價過20元，估唔到話口未完，昨日富力已一鼓作氣，再大升11％，收20.65元，成交股數急增至855萬股，金額1.68億元。
經紀黃話，富力升勢強勁，證明貨源集中的半新股比較易炒。不過，富力股價升得咁勁，聽講在上市時坐落唔少貨嘅芬佬，個別已經受唔住誘惑，獲利沽貨，現時慢慢在市場上減持套現。
因此，如果有老友上咗車及有錢賺，不妨亦考慮沽貨獲利，畢竟現兜兜有現錢責袋，好過紙上富貴。
另外，昨日冇厘頭勁升8成嘅御泰金融（555），原來有古仔流傳，但內容並無新意，都係傳賣殼。
經紀陳話，公司名稱相似的御泰國際（155），經早排買嘢印新股等活動後，大股東已經換咗人，所以今次輪到御泰金融有此傳言，亦合情合理。
御泰金融昨日升80.95％，收7.6仙，成交股數2120萬股，金額150萬元。
慕容小初