筆者啱啱去完德國法蘭克福車展後，已經落咗去瑞士名勝區St.Moritz試全新平治S-Class，要知道新車嘅造型、車廂配套有幾豪華，除咗可以留意本報日後嘅介紹，我重聽聞梅賽德斯．奔馳中國有限公司同仁孚行要員講，為咗要截擊反應迅速嘅水貨車入口商，佢哋已經決定今個月底喺香港舉行全亞洲首次嘅S-Class預展，當中主打車會係S350同S500型號，而且筆者重知道，雖然新車未到香港，已經收到唔少S-Class定單，到時實際嘅賣車數字，將會係豪華轎車需求嘅新指標。 記者、攝影：陳偉林