話咁快又係十一，啲左派同各界別每日都搞幾壇國慶酒會，噚日輪到福建社團同會計界，聽日就係公務員同宗教界，真係好鬼熱鬧。不過唔知點解，煲呔冇去福建社團酒會，淨係老董去咗。
煲呔冇嚟，但都有好多高官畀面福建幫，好似就嚟退下火線嘅詩姐、民望越排越高嘅馬時亨、最近好少出嚟嘅林D9同海關關長湯顯明都有去。啲記者個個恭喜肥馬賣元氣壽司賺錢，要肥馬請食壽司，肥馬都唔知幾開心。
周太就代表自由黨嚟，近日不時傳出有人要倒田，周太梗係力撐田少啦！撐完田少，身兼旅發局主席嘅周太就再撐迪士尼，叫大家睇長遠啲，唔好淨係睇呢幾日就咁快同迪士尼寫成績表。
至於不時一針見血批評煲呔嘅人大鄔維庸，突然封晒嘴乜都唔講，淨係話適當時候就會講啦！
爆料熱線：29290000、27860099
報料傳真：26239278
報料電郵：[email protected]