容祖兒（Joey）昨日於西貢拍攝新歌MV，除獲贊助商借出三千萬鑽飾拍攝外，Joey與男主角拍攝纏綿鏡頭時，更害羞得滿面通紅，坦言「成塊面充晒血」。
容祖兒昨日與一型男在西貢一片場內拍攝新歌《流淚眼望流淚眼》ＭＶ，除獲贊助商借出三千萬鑽飾拍攝外，身穿黑色透視裙的Joey，身材若隱若現好不誘人，其間更一度惹來走光疑雲，不過Joey表示事前已做好預防措施。
左右手不分
在拍攝期間，Joey與男主角相互依偎纏綿，兩人更不時面貼面，狀甚陶醉。不過當導演要求Joey以左手撫摸男主角時，她卻連左右手亦分不清。事後問她是否害羞時，Joey笑說：「我都唔知係咪怕醜，不過成塊面充晒血喇，你哋（指記者）幾十架機影住我。」
問到多久未試過與男性如此親近時，Joey即尷尬地說：「唔記得喇，咸豐年代嘅事啦。」不過當被問到會否有更親熱戲份時，她即說：「冇啦！好驚喇。一陣好似會有張床，不過唔係床上戲，而係床下底戲。」
五名保安看守
而贊助商昨日又特別借出三千萬鑽飾拍攝，當中包括一條五十六卡鑽石頸鏈，在場更安排五名保安看守鑽飾。對於佩戴名貴珠寶拍攝ＭＶ，Joey說：「我頭先都唔敢亂玩啲戒指，我怕佢哋（指保安）掹槍呀」。
採訪、攝影：藍文浩
