鄭中基昨日現身港台接受訪問，提到日前與舊愛楊千嬅公開拖手獻唱令女友蔡卓妍（阿Sa）酸溜溜一事，中基表現避忌，表示不會回應。但問到與千嬅在台上表現得含情脈脈時，他就謂：「大家冇夾過，我哋點樣都會話有嘢。因為千嬅喺出場前跌倒，所以我就拖住佢出嚟。」
問到中基今次與千嬅拖手的感覺是否跟以前不同，他似是不知如何回答，只尷尬的說：「冇乜特別，都係差唔多。」至於會否愛火重燃，他說：「唔係個啲feel，大家識咗咁耐。」他表示不清楚阿Sa事前是否知道兩人會拖手，又說：「自己都冇後悔拖手，身為專業藝人係唔會俾呢啲規限。」提到明年三月舉行的演唱會，會否邀請兩女做嘉賓，鄭中基表示：「會請佢哋嚟睇，因為自己怕麻煩人，而且又唔知叫佢哋唱乜歌好。」
採訪、攝影：駱華齡