滙豐銀行今年嘅「青年企業家獎」，會喺九月至下年三月期間舉行，現已開始接受全日制大專學生組隊參加。呢項跨地域比賽，每年都吸引唔少學生參加，除咗香港之外，其他亞洲地區好似馬來西亞、菲律賓同泰國都會同期舉行，最後再一決高下。
比賽共分五個回合，並有一系列講座同工作坊，為參賽者提供創作技巧、營商之道、撰寫商業計劃書，以及表達技巧嘅基本知識。亞洲區總決賽明年六月喺香港舉行，優勝隊伍除獲頒獎座及個人發展基金外，重可以去美國參加加州柏克萊大學校外進修部舉辦嘅一星期「未來企業家之旅」，參觀當地多間大型企業，同當地青年企業家交流心得。滙豐話，自二千年舉辦以嚟，已吸引逾五千五百名學生參賽。
爆料熱線：29290000、27860099
報料傳真：26239278
報料電郵：[email protected]