七位應屆亞洲小姐海外候選佳麗，昨日在旺角鬧市派發紀念品宣傳韓劇《女人天下》。14號哈薩克小姐雅蓮娜．魯賓斯卡應現場男士邀請拍攝合照，但該男士竟突然高舉反V粗口手勢，事後問哈薩克小姐知否反V的真正意思時，她還以為對方是sayhello!
亞視昨日安排七位應屆亞洲小姐海外候選佳麗，分別是黎巴嫩、韓國、烏茲別克、泰國、哈薩克、日本及越南小姐穿上韓國傳統服裝，到旺角宣傳韓劇《女人天下》。七位海外候選佳麗在旺角街頭派發紀念品，吸引大批市民圍觀及拍照，場面混亂。
有保安冇嚇親
眾佳麗的出現甚受市民歡迎，吸引不少男士上前近距離接觸，附近有男街坊更大嗌：「啲鬼妹好正！」而14號哈薩克小姐雅蓮娜．魯賓斯卡更被現場男士邀請影合照，不過拍照時該名男士竟突然高舉反V粗口手勢。事後問哈薩克小姐可會被該名男士的舉動嚇怕？她說：「有保安喺身邊，都唔驚嘅！不過唔係你哋講，我都唔知呢個手勢係咁意思，我以為係sayhello㖭！」
至於5號韓國小姐洪仁穎昨日教導其他佳麗學習韓國宮廷禮儀，她表示在韓國通常在隆重場合才會穿上傳統服裝，她說：「過年或者相睇呢類場合，都會着傳統服裝。我年紀重細，梗係未試過相睇，我覺得2號黎巴嫩小姐着粉紅色好襯佢。」
滿意韓式造型
2號黎巴嫩小姐嘉寶利亞．布萊斯也表示滿意自己的韓式造型，她說：「覺得一切都好有新鮮感，噚日中秋節都有去行街，我喺黎巴嫩已經有男友，佢都好支持我嚟選美。」
採訪：卓美娟 攝影：林德雄