覺唔覺得個紅蘿蔔好似支人參呀？唔係唔係，似人對大髀多啲！不過，唔係我刻意幫佢矯形，只是栽種菜根類植物時，泥土要幼細，不可以有沙石，否則當它生長時，一遇到沙石便會分岔，就好像這個蘿蔔一樣。「師傅話下次再種，泥土要再幼細一點，要挖深一點便可以了。」阿標做甚麼事情都那樣認真、規矩，跟我粗枝大葉的性格剛好相反，我就好像這支蘿蔔有點不依常規，但幾有趣吖！雖然賣相怪怪，但味道依舊，所以也沒因此遭客人歧視，價錢亦跟其他正常的一樣。「還有泥土最好保持攝氏15度，凍啲蘿蔔味道會甜啲，喂，你有冇聽我講㗎？」我反而在想如果再多一點沙石，分岔愈多咪愈多枝節，唔知會是甚麼樣子，難道人參都是這樣種植出來？唔得，我要再試吓先，偷偷哋……（十一）
阿花