羅家英日前接受港台節目《發酵的男人》訪問，其間家英哥談及與汪明荃（阿姐）之間的感情，他笑言當年是女追男，他說：「當年我陪阿姐練功都有一年時間，可能感情就係咁樣培養出嚟，我自己初時冇諗過要追佢。」
不過家英哥都大讚阿姐是一個好女朋友，他說：「佢人又靚、又有成就、心地又好，最重要係佢對我好。」
怕離婚避結婚
但羅家英強調現時與阿姐的相處方式是相敬如賓，他覺得假若二人結婚的話有可能離婚，倒不如維持現時男女朋友的關係會更好。
此外，家英哥亦談到自己發現患上肝癌時的情況，他更於開刀前盡情玩樂，他說：「我知道有呢個病同開刀嘅日子成十日，於是我就照常走去踢波、唱歌、打golf，我覺得點都係要面對呢個病。」