徐子淇及郭羨妮昨日於大埔超級城為「摩登嫦娥大比併」擔任評判，徐子淇自言將與男友李家誠度中秋，以粉碎早前有報道指她與李家誠當眾吵架一事，她說：「我都唔知點解咁寫，我同佢一次都冇嘈過交，同男朋友一齊出街係好開心嘅事。」
積極打求職信
問徐子淇男友是否勸她退出娛樂圈時，她說：「係我想搵其他工，咁我入行都有七年，都應該去睇吓唔同嘅世界，男友都支持我呢個決定。」徐子淇更自言已積極打求職信，問到會否到男友的公司打工，她說：「梗係唔會喇！公還公，私還私，而且我想搵公關嘅工作。」
此外，郭羨妮自言從小到大都未扮過嫦娥，問到她會否擔心扮嫦娥被觀眾投訴時，她說：「唔會啦！你哋唔好咁衰，點解要咁講佢（指欣宜）？迪士尼係一個好開心好好玩嘅地方，大家應該開心啲。」
採訪、攝影：王崇穎