上咗年紀以及睇過粵語長片嘅人，一定認識「黃飛鴻」，即係關德興師傅。關師傅雖然已經過咗身，不過佢桃李滿門，噚日其中一個徒弟嘅醫館開張，關師傅個仔關漢泉去捧場，重好高興呢。佢同八方講，以一億二千萬元將「寶芝林」品牌十年嘅使用權賣咗畀北京一個醫藥集團，重話今次除咗賺錢又可以發揚寶芝林精神，對得住關師傅在天之靈喎。嘩，一億二，真係唔小嘢，若非好好賺，點出得咁高價？睇嚟可以諗吓投資藥業公司。
另外，「重出江湖」嘅李莉莉噚日都有出席，佢同八方講新碟聽日就推出，會主攻內地市場，佢重hardsell到喺手指甲上面寫埋歌名㖭。
傳真︰2623-9278
電郵︰[email protected]