董太同曾太噚日率領中秋探訪團去昂船洲軍營勞軍，睇完駐軍隊對香港明星隊踢足球，大家就去食晏，嘉賓被安排喺二樓嘅飯堂食飯，不過董太突然出現喺一樓飯堂，原來佢想搵輝仔。
呢個輝仔，着住件軍服，原來佢係代表今年七月份舉行嘅「香港青年軍事夏令營」寫總結感想嘅受訓中學生，據說佢篇大作令董太好開心，簡直驚為天人咁，而輝仔同其他九位同學，都獲邀參加噚日嘅活動，又一次入軍營。董太一見到輝仔，好興奮咁話：「我有個想法，你們嘅軍營受訓時所學到嘅嘢，希望可以發揚光大。」董太建議先組織一個同學會，農曆新年大家出嚟飲茶。輝仔同九位同學當然猛話好，董太於是好滿意。
傳真︰2623-9278
電郵︰[email protected]