鄭秀文（Sammi）與關錦鵬昨日在銅鑼灣時代廣場出席「長恨歌戲服展覽」揭幕儀式，展出十套《長》片戲服，活動只舉行十五分鐘，事後Sammi為遲到四十五分鐘道歉，她解釋因未習慣時差和吃了藥，所以遲了起床。
Sammi又大讚關錦鵬拍男同性戀片出色，正洽談接拍他執導的女同性戀電影。對於有指拍過《長》片的Sammi和張可頤同樣患病很邪，Sammi斷言說：「病係咁啱，我係基督徒唔信。」問她濕疹是否痊癒？Sammi說：「好番。」有否留疤痕？她說：「答咗好多次啦，要keep住睇醫生。」
與黎明談情
此外，古天樂睇好Sammi在其他影展奪獎，Sammi說：「唔好咁，呢度攞唔到就要其他攞番。今次去威尼斯好多得着，令我眼界大開、放鬆心情。」問她會否害怕再拍同類型題材的電影？她說：「唔驚，好鍾意拍，可能第一次拍冇經驗，先抽離得慢。之前有人搵我拍嚴重抑鬱精神病嘅角色，但劇本未得，所以冇接。」Sammi十一月會與黎明拍攝淒美愛情電影。
採訪：馬建華 攝影：陳志嵐
