小朋友最愛的手提遊戲機，實非任天堂GAMEBOY系列莫屬，繼年前推出GBASP大受歡迎後，上星期又推出了體積細小、可更換面板並支援GBASP遊戲盒帶的GAMEBOYmicro，勢必成為手提遊戲機界新寵。
記者：電玩巴士
攝影：小星星
2吋屏幕好清楚
此機設有一個2吋的32,000色彩色屏幕，還設五段光暗調校，打機時明顯較舊有的GBA更清楚，同時又支援GBASP遊戲盒帶，小朋友可繼續用舊有的遊戲帶，毋須重新添置！電量方面，只需充電兩個半小時，即可玩足約6至10小時，唔怕玩到興起無電。
可換外殼添新意
全新GAMEBOYmicro體積跟卡片無異，小朋友可放在褲袋中。機身更設「紅白機」手掣，另有黑、銀、藍和紫五種顏色的外殼，讓大家按喜好換殼。機背更印有為慶祝「孖寶兄弟」誕生二十周年，而特別設計的徽號，肯定令小朋友愛不釋手。
售價：$880（顏色版水貨）
GAMEBOYmicro等你拎
睇完全新的任天堂GAMEBOYmicro後，是否想立即叫爹哋買呢？若然係的話要快些留意以下問題，將答案連同參加表格以最快的速度寄給我們，答對又最快寄抵（以郵戳為準）便有機會得獎。名額只得5名，有興趣的小朋友就要快手喇！得獎名單將於9月25日公布
問題：「孖寶兄弟」今年幾多歲生辰呢？