鍾麗緹（Christy），李冰冰，楊采妮及韓星金素妍昨日於上海出席萬寶龍（Montblanc）活動，Christy不經意地露出紅色bra和內褲，問到她早前傳出與丈夫Jon婚變博見報一事，她直認不諱：「真係好奇怪，呢個世界就係咁，新聞一見報，即刻有兩個導演想搵我開戲，我認係宣傳伎倆，呢行係咁，遊戲係咁玩，都幾好，有人搵我開戲，朋友又打電話關心我。」
記者於是立刻指摘Christy借傳媒過橋不公平，她即說：「唔係我搞出嚟，唔知點解發生，莫名其妙。
李冰冰黑面
此外，問到李冰冰最近有否與緋聞男友朱孝天見面時，她即黑面：「沒有，事情已經過去，對我沒有影響。」對於早前有報道指因為負面新聞，導致她於劉德華新戲《童夢奇緣》戲份被cut一事，李冰冰表示：「我亦有為此不高興，段新聞是假，個記者同網站已經向我道歉，我接拍時已經知道是客串，作為後輩，多謝華哥睇得起我。」
記者林妙萍、葉君海上海直擊