一年一度的大型籌款節目《星光熠熠耀保良》昨晚在紅館舉行，除容祖兒、楊千嬅、關淑怡和林憶蓮兩代天后濟濟一堂外，鄭中基與舊愛楊千嬅及緋聞女友蔡卓妍同台演出亦備受注目。
賭王何鴻燊四姨太梁安琪昨晚首次以總理身份出席《保良》籌款晚會，並在總理籌款比賽中獲得優異獎，酒會舉行期間，記者問梁安琪有關賭王被FBI調查事件時，她說：「乜嘢FBI？今日嚟《星光熠熠耀保良》，傳聞歸傳聞，事實歸事實。」
大叫非禮
楊千嬅及鄭中基前晚到會展出席「新城台慶全城盡興音樂會2005」，問到千嬅與鄭中基在《保良》同台演出，會否配合對方的「鄭中袖」造型時，她哈哈大笑說：「我唔知佢有個咁勁嘅名，不如叫人捐錢揭開佢件衫睇吓啦。」其後她又提議記者扮仆倒趁亂揭開鄭中基的衫袖，不過最終千嬅還是說：「大家都係唔好拆穿佢啦，鄭中袖呢個名真係好勁，等佢有機會做○五年十大新聞之一，呢個係一個傳奇呀。」
事後問鄭中基可知千嬅教記者揭開其衫袖時，他笑說：「吓？佢諗住喺我隔肋底放火？定係叫一班人撲埋嚟呀？我今日着件衫係索緊晒對袖嘅。」又笑言若記者真的有所行動會大叫非禮。對於千嬅提議他揭衫袖籌款一事，鄭中基說：「呢條橋幾好，估唔到我都有價呀，不過𠵱家搞到好似畀錢我脫咁。」
