「新城台慶全城盡慶音樂會2005」前晚假灣仔會展舉行，林憶蓮、黎明、陳慧琳（Kelly）、關心妍、劉浩龍及太極等歌手到場助興，不過Kelly經過一輪勁歌熱舞之後竟惹來透點疑雲。
前晚一眾歌手到會展出席「新城台慶全城盡慶音樂會2005」，陳慧琳穿一件黃色薄紗舞衣表演，經過一輪勁歌熱舞後，未知是否因跳舞動作太大而令打底內衣滑下，結果出現疑是透點的情況。
同情欣宜被投訴
Kelly早前曾以公主造型到迪士尼拍攝MV，她表示有留意欣宜扮白雪公主被人投訴的新聞，希望大家不要再打擊欣宜，她說：「係小朋友都想做公主，大家唔好咁樣對佢，呢件事唔使投訴呀，點解要咁樣傷害佢？」問她會否再與迪士尼合作時，Kelly續說：「睇吓自己配唔配合到。」
已有一段時間沒有於香港表演的憶蓮前晚打頭陣獻唱，略為發福的她，穿低胸裙肉光四射，對於近日有周刊拍到她的女兒轉讀平民學校，憶蓮不快地說：「呢件事點會對小朋友冇影響？小朋友適應咗一個環境之後唔可以成日轉嚟轉去，同埋我呢兩年工作基地都會喺香港，我唔排除手頭上工作告一段落之後會幫個女轉校。」
關心妍怨冇碟出
另外，關心妍（Jade）透露明年初與公司約滿，問她周麗淇會否成為她考慮續約的一個因素﹖Jade說：「我撇開咗呢樣嘢，主要睇自己的前途，但近期發生太多事，所以要諗得好清楚。」她又說：「我入行七年啦，重有幾多個七年？我計過已經足足等咗十個月冇出碟。」
此外，劉浩龍穿上一條印有蝴蝶圖案的長褲到場，因而被記者取笑他為緋聞女友何韻詩主演的音樂劇《梁祝．下世傳奇》宣傳，他透露星期一會去捧場。
採訪：王連連、李珮洳
攝影：陳偉權
