澳門行政長官、金融管理局及滙業財經集團主席分別呼籲市民保持冷靜，不要輕信謠言，但昨日仍有大批滙業存戶湧到銀行排隊擠提；有存戶說：「錢擺響自己個袋梗係放心啲啦！」亦有年老的存戶說：「呢啲係棺材本嚟㗎！」
「我唔要息都要番本」
「我擺二十五萬響呢間銀行做定期，頭先銀行職員話定期未到期唔攞得，我好擔心呀，呢啲係我嘅棺材本嚟㗎。」黃女士昨聯同其兒子在水坑尾滙業銀行總行排隊取款時顯得憂心忡忡，她說：「我寧願唔要息都要番啲本！」她經過一小時排隊，最後只能悉數提取了活期存款的幾萬元，她離開銀行前說：「聽天由命啦！」
另一名年約三十歲的存戶羅小姐表示，她共有幾十萬元股票及現金存於滙業，雖然明知將股票轉倉會蝕，但為了防止血汗錢化為烏有，只好忍痛了，她說：「我𠵱家攞嘅係滙業本票，要到星期二先知有無過戶，即係話我重要擔心多兩日先安心」。
「唔理係謠言定事實」
「我現金加股票約七十萬元存響滙業，𠵱家要轉倉肯定蝕倉租啦，不過為咗一生積蓄嘅安全，蝕少少都無計啦。」另一名存戶鄭先生表示，雖然明知是傳言，但仍擔心因羊群心理造成真的事實。
昨清晨五時已到水坑尾滙業銀行排隊頭位的譚先生則表示，因前晚沒有取得輪候籌，因此要提早到，他還叫朋友帶來櫈子及雜誌來一起排隊，他說：「唔理係謠言定係事實，攞自己嘅錢放響自己袋中係最安全嘅。」
本報記者
