林嘉欣昨日於尖沙嘴出席「童裝天地中秋慈善月餅義賣」活動，嘉欣更自掏腰包買下十多盒月餅送予fans，她說：「我重會同啲fans一齊去社區探訪老人，同佢哋傾吓偈。」問到嘉欣會否與男友陳光榮慶中秋時，她說：「佢忙錄音唔得閒，我會同媽咪一齊過，重會親手下廚煮嘢畀佢食。」
特技化裝影響心理
林嘉欣自言接拍電影《怪物》後十分佩服劉德華，她說：「其實化呢啲特技化裝好影響心理，除咗辛苦之外都會影響心情，我家姐都擔心我，因為佢話我心情起伏好大。」而嘉欣的父親更勸她不要再接拍該類戲種，她說：「Daddy知我拍戲傷牙骹同爆眼部微絲血管，所以都叫我唔好再接，但我有同佢解釋呢種戲有好大發揮。」