今日至10月2日香港越野路華車主會舉行2005越野路華四川助學行。據知，呢次四川之旅除一行22部LandRover四驅車同55人一齊遠征外，更為「希望工程」籌款，替當地興建學校，改善校舍同相關設施。
呢次參與活動嘅越野路華車款包括Defender、RangeRover、Discovery同Freelander，由於行程遙遠同山路崎嶇，所有參加嘅車都要加強裝備同改裝配件以迎接挑戰。行程將由深圳出發，途經南寧、重慶到峨嵋山，再經成都、宜昌等，回程由武漢經長沙返深圳，全程途經7個省縣，走足6,092公里。越野路華香港代理為支持呢次活動，特別派出2名技術維修人員同一部Freelander同行作隨團技術顧問同車隊支援。
記者、攝影：陳偉林