昨日有報道指鄭秀文（Sammi）因為抑鬱症而引致頭髮稀疏和脫髮，懷疑Sammi有「鬼剃頭」迹象。昨日上午Sammi由多倫多返港，只見她全身密封，對「鬼剃頭」之說，Sammi不屑地說：「黐線！」。
盛傳患有抑鬱症的鄭秀文，早前出席威尼斯影展時，雙手和雙腿均滿布結痂又或是滲着血水的紅疹，雖然及後Sammi解釋是燥熱所致，但昨日卻有雜誌報道，指Sammi不單止損手爛腳，而且她前額頭髮稀疏、髮線上移，以及後尾枕因脫髮而出現兩個窿，懷疑Sammi因為抑鬱症而引致「鬼剃頭」。
歐洲行大表滿意
先後出席完威尼斯及多倫多影展的Sammi，昨日上午六時許與關錦鵬及助手從多倫多返港，雖然昨日氣溫高達三十二度，但Sammi仍身穿長袖衫又披頸巾包到密不透風，故看不清楚其身上的紅疹是否痊癒。
記者問Sammi有關「鬼剃頭」報道時，Sammi說：「吓？黐線！呢本雜誌寫嘅嘢係自己作，之前阿關（關錦鵬）都講明唔畀呢本雜誌採訪，嗱，阿關（向着關錦鵬說），都話咗唔畀佢哋採訪，佢哋都會作㗎啦！」
雖然Sammi未能憑《長恨歌》奪取威尼斯影后，兼被雜誌指「鬼剃頭」，但昨日所見，Sammi心情絕靚，對記者有問必答，非常合作，未受傳聞影響。Sammi說：「今次歐洲之行好開心，多倫多嘅首映反應都好好，可能因為我好多年冇去多倫多，所以首映當晚有fans寫紙仔畀我，想話約我食飯，但因為我趕住返香港，唔能夠赴約。」
迷你模型贈偶像
此外，昨日有十多名fans在機場接機，並送上一個以Sammi演唱會中出現過HelloKitty花椅的模型給Sammi作禮物，逗得Sammi開心不已。
採訪、攝影：馬建華
