話說四十五條關注組早前上京出席國際法律年會，四位大狀湯家驊、余若薇（圖）、吳靄儀同埋梁家傑為咗貪方便，於是訂咗機場VIP房，唔使去登機大堂同人迫。
但係就算VIP都要等，於是佢哋喺度睇報紙，結果發現咗一件好奇怪嘅事，就係貴賓室原來冇《蘋果日報》睇。湯大狀同余小姐都覺得好奇怪，於是問點解冇？幾時開始冇？得到嘅答案竟然係從來都冇訂，班大狀百思不得其解，覺得有必要向當局反映一吓。
八方於是都打咗個電話去機場貴賓室問吓，得到嘅答案都一樣，真係冇《蘋果》睇，至於點解冇，就未有特別原因喎。
傳真︰2623-9278
電郵︰[email protected]