做駐港名譽領事有乜好處？原來除咗可以使用貴賓通道等例牌嘢外，喺人身安全方面都有多重保障。好似身為阿爾巴尼亞共和國駐港名譽領事嘅黃英豪Kennedy（圖）咁，佢話自從得到呢個名譽後，屋企附近嘅保安明顯加強咗，多咗好多警察巡邏，所以覺得安全咗好多。
Kennedy重話，應承阿爾巴尼亞共和國做榮譽領事後，咁啱土耳其又搵自己做駐港領事；雖然土耳其呢個國家，比阿爾巴尼亞共和國出名；但既然有言在先，都係推咗土耳其嗰邊，安安份份做個只有三百幾萬人小國嘅領事。估唔到Kennedy年紀輕輕，都咁鬼搶手。
黃英豪係邊個，咪係灣仔區議會主席黃英琦個細佬囉。
傳真︰2623-9278
電郵︰[email protected]