劉浩龍、傅穎（Theresa）、女子組合女生宿舍及彭敬慈等，前晚在中環Volar酒吧為「Y派對」做模特兒行騷。現場只見身穿背心，內襯tubetop的Theresa行騷前後都不停拉高上衣。
事後Theresa解釋：「我驚跌呀！之前綵排時試過成件跌咗，好彩我打晒底咋！其實𠵱家唔會跌，但我心理作用，好自然係咁抽住。」現時體重只有九十八磅的Theresa，表示這身打扮已是其性感底線。
出騷前狂收身
此外，女生宿舍成員之一Macy笑言覺得自己一身打扮像白雪公主，問她不擔心借用此敏感比喻會像欣宜般招致攻擊？她說：「都唔同，我都係想配合迪士尼，我個妝似百鳥歸巢，好似雀仔。」不過Macy補充謂最難應付還是足踏四吋毛毛高跟鞋，論性感程度，這身打扮反而不及她在寫真集中的形象。
至於有份行貓步的劉浩龍則表示他入行時有一百八十磅，現已減至一百五十磅，覺得自己很弗。他說：「我知道要行騷後都覺得好大壓力，不停做掌上壓、跑步同situp，𠵱家身材總算唔失禮，啤酒肚都冇埋。」
採訪、攝影：何永寧
