袁潔瑩前晚在灣仔舉行三十六歲生日派對，她的同性密友阮嘉欣不避嫌出席派對。當二人同坐保母車離去時，阮嘉欣更坐在壽星女大髀上，大玩「人肉層層叠」。袁潔瑩昨日接受訪問時大讚阮嘉欣，並評這位密友值七十分。
袁潔瑩前晚三十六歲生日，她與一班好友在灣仔王子酒店舉行生日派對。壽星女的前緋聞男友「白花油王子」顏福偉、同性密友名媛榮文蔚的姑仔阮嘉欣、近日與俞琤過從甚密的上山詩鈉、阮兆祥及女伴、設計師Nelson、祁文傑、謝天華和朱永棠等好友紛紛到賀。
袁潔瑩近日經常被拍到與阮嘉欣同行的照片，阮嘉欣前晚亦不避嫌到場，袁潔瑩的胞妹及一班中性打扮的女子亦先後帶同鮮花和禮物進場。據知袁潔瑩在生日會內滿場飛，招呼賓客和飲酒，十分盡興。
生日派對於昨日凌晨四時完結，阮嘉欣拿着氣球從酒店步出，她見到記者即說：「要等咁夜，辛苦晒！」而滿臉通紅、略帶醉意的袁潔瑩亦步出，她一直保持笑容，然後與數名中性打扮的女子一同登上保母車。
生日願望
盼與情人撐枱腳
穿上粉紅色上衣的袁潔瑩率先進入車廂，阮嘉欣則緊隨她上車。在擠迫的車廂中，阮嘉欣不避嫌坐在袁潔瑩的大髀上，大玩「人肉層層叠」。司機先送阮嘉欣返回怡廬寓所，然後再送幾名中性打扮的女子到中環蘇豪區，最後才載袁潔瑩回家。
記者昨日致電「壽星女」袁潔瑩，她談到生日願望時說：「我驚講咗出嚟會唔靈，我記得舊年許咗身體健康嘅願望，今年都應驗晒啦！」袁潔瑩表示前晚的生日會十分盡興，她說：「朋友同我一齊唱歌同切蛋糕，玩得好開心，不過全場最high嘅係我妹妹，佢重開金口飲酒。我收咗幾十份禮物，全部都未拆，今朝司機先幫我陸續由車搬上屋企。今日我有嘢做，等做完嘢先慢慢拆，我好多謝朋友嘅心意。」
袁潔瑩表示已在生日前與雙親食飯慶祝，她說：「中國傳統，生日飯一定要生日前食，唔可以補祝㗎！」問袁潔瑩怎看與阮嘉欣的密友關係？她說：「我請得去生日會嘅，全部都係我嘅好朋友，如果我拍拖，生日咁大件事就同另一半撐枱腳啦，點會同一班朋友一齊慶祝，我呢班朋友全部都心地好好㗎！喺朋友立場，一百分滿分嘅話，佢（阮嘉欣）都有七十分，都算好高，我以前考親試都唔及格。而攞得一百分滿分嘅，梗係情人啦！」袁潔瑩表示下月便會起程到北京拍劇。
謝天華：
唔係帶條女畀佢
另外，袁潔瑩的前緋聞男友顏福偉前晚表示封了利是給壽星女，他說：「我畀封利是佢，現金最實際！」對於袁潔瑩近日與阮嘉欣經常出雙入對，顏福偉說：「佢（袁潔瑩）呢期好紅，出咗兩期雜誌封面，唔通『Les』呢排好行？」謝天華亦開玩笑說：「我今日唔係帶條女畀佢咪得囉！」祁文傑則透露送了一個打火機給壽星女。
採訪、攝影：比華利、娛樂突發組
