好多長者都經濟唔好啲牙又唔好，兩餐經常食豆腐、青菜。不過，專門幫老人家嘅伸手助人協會就認為老人家日日都係清茶淡飯，營養一定唔夠維持日常所需，所以就聯同著名食家蔡瀾、陳任同多個營養師，編寫咗一本名為《古早味食譜》，等啲長者照住煮。
所謂「古早味」，即係指人類早已遺忘嘅食物真味同營養。而食譜裏面亦介紹咗三十七道傳統、懷舊、低成本兼營養高嘅食譜。如果市民有興趣跟住食譜煮兩味，𠵱家起直至二十三號，可以去中港城、屯門市廣場同中環廣場買本食譜睇吓，或者買嚟送畀老人家，每本都係二十三蚊，收益會捐畀伸手助人協會用於長者服務，值得幫幫手。
傳真︰2623-9278
電郵︰[email protected]