周汶錡、鄧萃雯、廖碧兒等昨日於尖沙嘴出席「第五屆健康第一壹大獎2005頒獎典禮」，周汶錡指自己得獎原因是內外兼備，加上勤於做臉部護理，問她常被拍下喪蒲的照片，可有影響其健康形象？她說：「我唔會理人哋寫乜，我覺得夜晚做完嘢同朋友食飯飲嘢都好正常，呢啲係生活一部份。至於話我整容，清者自清，係要有證據，如果我真係有做過，應該好快查出嚟，唔係剩係攞啲相出嚟講。」
鄧萃雯首次奪獎，她表示自己很注重健康，亦於五年前戒煙，有指張可頤患上甲狀腺炎，但仍然不停食煙影響健康，雯女說：「我覺得呢啲係心癮，食煙可能因為個人有好多怨氣，所以最緊要係保持心境開朗。」
方力申唔敢亂咀
另外，方力申嘴唇潰爛，他表示感染到過濾性病毒，他更笑說：「唔可以咀，唔想害人傳染病毒畀人。」
採訪：馮美茵
攝影：陳志嵐
