天賦豐滿上圍的陳彥行，最近接拍了纖體豐胸廣告，她日前便到了一間內衣和泳衣店選購，行姐即時換上色彩鮮豔的bratop，並在鏡前左照右照，充滿自信。
陳彥行最近接拍了一個纖體豐胸廣告，她日前到位於中環的意大利品牌Sensi的店舖選購新款泳衣和內衣。
唔會假手於人
行姐平時對挑選內衣方面十分講究，她日前在電話訪問中說：「我覺得好身材都需要着一啲合適嘅內衣去配合，咁樣着起衫上嚟，效果會靚啲同突出啲。」行姐又表示每次到外地旅行，必會毫不吝嗇花費約數千元選購一批新款內衣，她說：「我好享受自己去買內衣，試到最舒服同最啱身先買，絕對唔可以假手於朋友。」
身形滿有自信
行姐當日在店舖換上一些色彩鮮豔的bratop後表現得愛不釋手，問到行姐最滿意自己身材哪一部份時，她說：「胸部、腰部同坐圍都好滿意，不過有時嫌唔夠結實，好彩有纖體公司贊助我，用機械改善身形。」
行姐對自己的身形充滿信心，所以她並不介意以性感打扮出席公開場合，行姐又說：「如果我有條件，又靚女，着得性感啲絕對唔介意俾大家一齊欣賞吓，公諸同好。」提到美容心得，行姐表示每日都會飲兩杯牛奶，她說：「好多人都話飲木瓜奶豐胸，但我就從來都冇飲過，只係飲普通嘅牛奶。」
採訪：比華利
