今年金馬獎頒獎典禮將會喺十一月十三號舉行，到目前為止已經有二十五部影片完成報名手續，上年劉德華攞影帝時曾經話過可惜個獎唔係金，點知今年大會決定由第四十屆頒獎禮開始，會將獎座鍍金，重決定為去年金馬獎得主劉德華同楊貴媚提供番獎座鍍金服務，不過噚日身在內地嘅華仔就話：「唔使將個獎攞嚟攞去咁麻煩，我再攞過個金嘅咪得囉！我會努力去攞個金嘅金馬獎嘅。」