琦琦和賭王何鴻燊千金何超瓊等前晚到中環欣賞時裝騷，超瓊回應報道指FBI調查其父的賭場屬正常事件，亦無懼FBI跟蹤她，並笑言加上狗仔隊，她會是全世界最安全的人。
上海灘前晚在中環舉行○五秋冬時裝騷，由名模AnaR.和Jessie等示範色彩奪目的新派華服。今季新裝以「闖入紫禁城」為主題，將明、清皇帝御用的五爪金龍圖及黃色加入設計中，配華麗織錦、雪紡等質料，加上細膩刺繡與性感剪裁，教人目眩。其他花紋圖案更是豐富，有取材自慈禧太后曾用的絲巾、天子專用的十二章圖案如日月星宿、斧頭等，充滿莊嚴神秘的華麗氣派。
控制飲食護膚
名模琦琦、何超瓊和郭志怡等均穿上唐裝捧場。超瓊自嘲是阿嬸，對於有報道指內地骨膠原護膚品用死屍提煉，問超瓊可有使用骨膠原產品？她說：「唔知有冇，我買護膚品唔多睇成份，平時都係三分鐘護膚嘅人，我唔會用羊胎素，覺得自然、靠身體平衡係最好。我返內地亦盡量食啲清淡嘅菜式，唔食色素或者醃製食物。」
「冇非法行為」
另有報道指聯邦政府調查局（FBI）越洋調查賭王何鴻燊，超瓊淡然地說：「我完全唔清楚件事，做FBI梗要關注所有商業活動嘅資金流動，爹哋做賭場有外幣兌換，受管制亦唔出奇，但一定冇涉及非法行為，而且北韓個賭場咁細，一個月營運收入都唔夠葡京一張賭枱，咁細點做非法行為。」
問超瓊可有被ＦＢＩ跟蹤？她聞言即笑說：「咁我咪好安全！又有ＦＢＩ跟，又有狗仔隊跟，我真係全世界最安全嘅人。」
採訪：RitaLeung 攝影：ChanChiLam
