張栢芝、舒淇、劉嘉玲、陳曉東和周慧敏等，昨晚到利園出席化妝師Zing為相集《ZingbyZing》舉行的慈善酒會。穿上Versace贊助、露臍又大露背長裙到場的栢芝，跟前男友陳曉東相差五分鐘到達。
記者問栢芝可見到東東，她即四處張望，見轉了髮型的東東即喪笑說：「佢啱啱自由行返嚟呀。」記者問她是否指東東薯仔，栢芝說：「我想攞佢嚟煲雞湯咯。幾好呀，坦白講OK嘅，我鍾意人夠膽同夠型，佢五官靚就襯到，識咗佢五、六年，佢剪乜髮型都支持佢。」其後影大合照時，東東主動和栢芝碰杯，栢芝即露出受寵若驚的表情。
至於有指栢芝和外籍男友在跑馬地住同一個單位，她說：「我哋唔係同居，係住同一座大廈啫，係咪拍拖你哋好快就會知。」
舒淇怕住香港
此外，舒淇提起在家中被雜誌偷拍一事時，勞氣地說：「平時我喺屋企都係着底衫褲，𠵱家梗係唔會。我好嬲，喺香港住好恐怖。」
採訪：魯萍 攝影：何國豪
