余文樂在新片《龍虎門》中飾演「石黑龍」一角，前日樂仔首次練習吊威吔及舞雙截棍，他打空翻後即頻呼「見暈」，又謂因為沒有戴護陰，故覺得重要部位被「頂」住，大呼好痛！
余文樂前日在清水灣片廠，為將於月尾開拍的電影《龍虎門》練習吊威吔和耍雙截棍。他在戲中飾演「石黑龍」一角，與謝霆鋒、甄子丹有多場高難度動作戲，而電影公司亦已為三人購下逾億保險。
仿李小龍耍雙截棍
由於該片武指甄子丹正身在威尼斯，故前日的熱身練習改由副武指嚴華指揮，而擔任策劃的雷宇揚亦前來監場。余文樂吊着威吔在空中打觔斗後即頻呼「好暈」。
樂仔說：「真係好辛苦，但冇得話頂唔頂得住嘅！前排我工作忙，冇時間操，我會做多啲掌上壓同situp。我個角色有少少李小龍嘅影子，要玩雙截棍。」
八嚿腹肌應有盡冇
記者指他吊威吔時沒有用護陰，他就說：「OK啦，不過頂住都有少少痛，拍嘅時候一定有嘅（指戴護陰），唔係打親就死喇。」
問樂仔可有八嚿腹肌？他就笑謂：「我係應有盡冇，不過好在我瘦，一操啲線條就出番晒嚟！」
提到電影公司已為三人購下高額保險一事，樂仔表示：「都唔望有得賠啦係咪？我知道甄子丹要求好高，做得到嘅高難度動作我一定做，做唔到嘅都要搵替身。」
採訪：駱華齡 攝影：林德雄
