陳敏之在台慶劇《胭脂水粉》中飾演薄命窮家女，與陳豪和蒙嘉慧陷入一段三角苦戀。她激讚有「花旦殺手」之稱的對手陳豪有耐性、態度好，簡直是好丈夫人選，更直言：「我最鍾意陳豪！」
在下月推出的無綫台慶劇《胭脂水粉》中，陳敏之、蒙嘉慧與陳豪將會上演一段悲情三角戀，陳敏之演一個賣胭脂水粉的可憐窮家女，經歷毀容、被撬牆腳及遭賣豬仔的厄運，難怪她亦視今次演出為演技上的大挑戰。
大讚有耐性
雖然命運坎坷，但今次三角戀的對像是向來有「花旦殺手」之稱的陳豪，就連陶大宇亦曾指他很受女演員歡迎。陳敏之日前在中環接受訪問時，大讚陳豪是好老公，還講到明最喜歡他這個男拍檔。
陳敏之說：「我有受到劇中個角色影響情緒，拍完之後都重覺得自己好慘、好痛苦，陳豪呢個對手幫我唔少，教我好多嘢，拍過咁多套劇嘅男主角之中，我最鍾意佢！佢係好有耐性，日日零六開工至二八（翌日零晨四時）收工，佢都冇發脾氣嗰吓至驚，嗰種態度係好好，又唔扮嘢。」
性格好囉唆
拍劇期間二人朝夕相對，陳敏之又對陳豪如此欣賞，問她會否愛上對方，敏之笑說：「佢係好，但似爹哋囉，有次我見佢掛住個藍牙喺耳仔，咪問佢個喺邊度買，點知佢猛咁話：『買嘢就要自己去試，我呢個就幾多錢，有啲又幾多錢，個個唔同……』我都係想你畀個買嘢嘅地址啫。有時佢都煩，似老竇㗎，但你都係會鍾意佢，因為同佢合作真係開心，我覺得佢會係個好丈夫㖭。」
採訪：朱倬誼 攝影：何榮亮
服裝、紅鞋：SistyrMoon
場地：Baci
