女生宿舍成員陳美詩（Macy）早前演出舞台劇《開心鬼》後，欣賞藝術總監焦媛的藝術才華和在舞台上敢於裸露的大膽演繹方法。Macy表示若遇上好導演及好劇本，她亦夠膽裸露演出。
二十六歲的女生宿舍成員陳美詩，早前演出舞台劇《開心鬼》時與擔任藝術總監的焦媛初次合作，事後Macy盛讚焦媛才華洋溢，對藝術充滿熱誠。Macy又對焦媛敢於在舞台上裸露的大膽演繹，萬分佩服。
讚焦媛敢作敢為
日前Macy在清水灣接受訪問時提到焦媛，她說：「其實焦媛係一個好細心嘅人，佢觀察力好強，睇嘅嘢好詳細，喺演技上佢教我好多嘢，我喺佢身上學到唔去介意人哋嘅眼光。佢喺台上好投入，好敢做，完全拋開觀眾嘅眼光。以前我睇過佢演嘅舞台劇《蝴蝶春情》，裸露都係一場啫，但我好佩服，香港人好少會咁做，呢樣唔止係出位，係要有實力至做到。」
自歎水腫又易肥
既然Macy視焦媛為學習對象，問她會否作裸露演出？她說：「我有諗過㗎，遇到好導演、好劇本，可以好放心嘅話，係合理嘅可以裸露，人嘅身體都係一種線條演繹，纖體廣告都要着貼身衫騷身材，用正常眼光睇冇嘢㗎。」
問Macy是否滿意自己的身材？她即哈哈笑說：「唔滿意，可以再瘦啲。有人成日話我細粒，其實我有五呎三吋㗎！身高就OK，冇問題，不過我比較易肥，有一排試過一星期跑三日，每次跑個幾鐘，肌肉都係唔夠結實，我係有啲水腫，所以重要做多啲運動。」
採訪：朱倬誼 攝影：葉君海 髮型：Ray＠LeSalon
服裝：Hysteric（牛仔裙及白色比堅尼）
Rush（藍色及黃色比堅尼）
