新人劉日曦熱愛運動，跑山、游泳、美式足球樣樣皆精，可謂十項全能。一身運動細胞的劉日曦亦很喜歡音樂，更希望在樂壇闖出名堂。
新進歌手劉日曦一身古銅膚色，並且鍛煉得一身健碩肌肉，全因他天生「停不了」的性格，他很喜歡游水、跑步和美式足球，又試過在瑞典游冬泳，亦曾在夜間摸黑跑山，可謂十項全能。
瑞典凍到入醫院
劉日曦說：「其實我唔算運動天才，只係好鍾意郁動。我試過喺夜晚唔開燈，喺一個山頭度跑，跑之前我重要幾個鐘頭唔開燈，因為怕瞳孔唔適應山上面太黑嘅環境。」
劉日曦自言一天不運動，會覺得渾身不自在，又笑言若一個月見不到水就會不開心，他說：「我鍾意玩水多過游水，一個月見唔到水我就唔開心。有次我喺瑞典同朋友飲酒之後，走去河度游水，嗰時係冬天，所以之後就凍到入醫院囉！有次我飲完酒，發現成日未做過運動，我就走去維園跑兩個圈先返去瞓。」
「我都作咗幾首歌」
劉日曦熱愛運動，但更喜歡音樂，他對自己有份創作的新碟充滿期望，他說：「唱歌可以寓工作於娛樂，其實要我定落嚟都得，今次唱片我都作咗幾首歌，本來我作嘅《喊驚》想公司做第一主打，但係佢哋最後揀咗第二首，但《喊驚》都有收錄喺隻碟入面。」
採訪：王連連
攝影：陳偉權
