Twins、李蘢怡（Tiffany）、Danielle、莊泳等一眾女星昨日悉心打扮，出席修身堂深圳分店的開幕禮，Tiffany以一襲DeepV上衣搶盡風頭，Twins則坐南瓜車出場凸顯地位，雖然欣宜不停傳出負面新聞，但張玉珊強調其地位無人可代。
女子組合Twins、李蘢怡（Tiffany）、Danielle等昨日齊集深圳聖延苑酒店為張玉珊新開設的修身堂分店擔任剪綵嘉賓，眾女星都悉心打扮，以低胸短裙示人，Tiffany以一襲DeepV上衣酥胸半露最為性感，雖然Twins未及其他女星性感，但大會特別安排二人坐在一架南瓜車出場，盡顯地位。
「欣宜冇人可代」
Twins被指未及其他代言人性感，成員蔡卓妍即說：「吓！我已經好性感㗎啦。」鍾欣桐則說：「由於我條裙太透明，所以臨時加咗條底裙。」二人都覺得坐在南瓜車上感覺很特別，有如灰姑娘。
最近有指因鄭欣宜形象欠佳，所以由Tiffany取代其位置，Tiffany謂：「我覺得唔可以咁講，每個人都有唔同，大家應該畀啲空間佢。」Tiffany表示現正積極減肥，並與修身堂斟洽繼約事宜。張玉珊則為欣宜抱不平，她說：「佢嘅地位係冇人可以取代。」
嘉玲低胸赴會
此外，劉嘉玲及林熙蕾等昨日傍晚於金鐘出席修身堂五周年慶典活動，劉嘉玲身穿藍色低胸短裙赴會，對於她擔任行政總裁的寰宇購物佳電視購物頻道倒閉，而她亦被裁員一事，她回應說：「我喺佢停播一個月前已經辭職，大家已經盡咗力，冇辦法，因為打唔開個市場，𠵱家個頻道轉咗做網上買賣，雖然係咁，但我都得到好多收穫同經驗。」
至於有指嘉玲男友梁朝偉有肝病，所以戒煙和戒酒，她即強調說：「偉仔戒煙好耐，佢冇事，呢啲傳言好攻擊性，大家唔好亂講。」
採訪：藍文浩、胡比
攝影：陳志嵐
