新盤誓師活動花款多多，各大代理行各出奇謀，圖博取發展商歡心，女模成為一眾誓師會不可或缺嘅角色。 不過，安排靚女出場，都要有啲說服力，唔係靚就殺晒，起碼要同個新盤有啲關係，唔可以離晒題。 香港置業為咗恒基上環新盤聚賢居誓師，請嚟女模扮男裝，扮古代智者諸葛亮，一嚟切合個盤名，二嚟發展商及代理高層都以男性居多，有個靚女平衡吓，氣氛都好啲。試想，由男模特兒扮演嘅話，可觀性就大減，都幾有諗頭。