歐陽震華（Bobby）、歐倩怡、羅慧娟及丘凱敏昨日出席於尖沙嘴日航酒店舉行的「生命傳愛行動」記招，呼籲港人將購買保險的部份保額捐贈予慈善機構，幫助更多有需要的人。
與張家輝女兒上契
有報道指Bobby陪太太到診所，還傳出已懷有身孕，Bobby澄清謂：「邊個話有？冇，嗰次係我感冒，傳染咗畀我太太，所以帶佢睇醫生。暫時冇衝動想生，順其自然啦！」他又謂生兒育女要安排很多事，故不急於生BB：「我𠵱家重有心有力，結婚唔一定要生，唔結婚有能力都可以生。」
Bobby表示將為人父的張家輝早前經常找他做運動，令他大感奇怪。Bobby說：「我都知有蠱惑，成日叫我陪佢做運動，唔怪之得啦！梗係OK咗，所以搵其他途徑發洩多餘精力啦！其實我睇報紙知道（指關詠荷懷孕）就打畀佢，關詠荷重問我收唔收口靚，我冇所謂，就收佢做我契妹啦！」
採訪：楊潔雯 攝影：陳志嵐