由於貨運及物流業人士估計，今年聖誕，貨物運輸流量大增，有啲公司，開始額外租用貯存貨物空間，刺激到新界區過萬呎工業大廈租賃需求，例如大埔太平工業中心，近日就有兩宗租務成交，涉及樓面逾兩萬方呎。 據中原地產講，兩宗個案各租用一萬餘方呎，月租同樣係三萬五，租客分別係家具公司及物流公司，呎租約三個幾。由於市場需求唔少，估計區內工廈呎租重會上升一成。