美聯港島區一班主管，早幾日搞經理會，講吓市道之餘，重安排咗個頒獎，鼓勵士氣。 美聯又搵嚟嘉里助理市務經理吳美珊做頒獎嘉賓，送獎品畀早排做嘉里中半山地利根德閣勝出嘅代理。其中，樂活道分行梁敬鑣，攞到勞力士名表，連埋發展商銷售佣金，都幾和味。 美聯董事伍創業話，集團今個月促成唔少大額成交，市道開始好轉，相信營業額節節上升。