林憶蓮前晚盛裝出席加盟金牌唱片公司及宣布年底舉行個唱的記者會。男友陳輝虹雖然因工作在身缺席，但仍全力幫女友籌備個唱，連今次演唱會的名稱亦是兩人一起構思。
前晚憶蓮身穿deepV露背裙，出席於尖沙嘴舉行的記者會。會上還首播憶蓮新歌《本色》MV。
看來有點發福的憶蓮接受訪問時說：「希望啲觀眾睇我演唱會，想笑就笑，想喊就喊，最緊要睇得開心。」問到演唱會名字「夜色無邊林憶蓮演唱會2005」是否男友陳輝虹的構思，憶蓮說：「大家一齊諗嘅，佢喺EMI做咗好耐，有時會幫歌手做project，但呢啲唔係佢本身工作。」她解釋男友因有工作在身，故未能出席。
羞談同居
問到她如何安排時間拍拖，憶蓮含羞答答的說：「多謝關心，我自己會搵時間拍拖。」至於會否與陳輝虹同居，她就說：「唔講呢啲。」對於會否邀請前夫李宗盛欣賞個唱，憶蓮只謂：「睇佢有冇時間囉，佢得咪請囉。」
提到黃柏高指她地位超然，憶蓮說：「唔敢咁講。我哋十年前就合作過，佢係個幾真嘅人。」至於唱片公司聲稱以千萬酬勞邀請她加盟，憶蓮笑道：「我同Paco（黃之洋名）加埋就有呢個數。」
採訪：胡比 攝影：何榮亮
