第二天醒來已經八點半，弊！又遲到！返到公司，撞正阿姐站在門口吩咐Reception個女仔做嘢。佢即時怒目盯着我，我惟有低頭急步走入Office。
老闆話今季的營業額要比上季增加30％，否則年尾可能要Cut雙糧。增加30％？談何容易？今年肯定無雙糧，點交稅呀？平日貪靚的Grace今日的打扮好似爭咗啲嘢，係嘞，條頸空框框，無戴頸鏈噃。原來Grace今朝打開飾物盒，發覺幾條頸鏈纏在一起，趕時間返工無心機慢慢將之解開。隔籬Joyce聽到走過嚟教路，話平時放頸鏈，可以將飲管一頭摺起，從另一頭放進頸鏈，頸鏈扣會卡住，不會完全掉進去，這樣就不怕頸鏈纏在一起，而且不用買飾物盒。咁慳家嘅方法都俾佢諗到，好嘢！（四）