今個中秋，各大商場做足準備，搞氣氛，蘭西帶大家睇睇，先由東九龍出發，觀塘apm商場今個禮拜已經搞緊世界燈籠裝置展，禮拜六、日又有寵物騷及音樂會；鑽石山荷里活廣場，呢個禮拜有迪士尼卡通人物走馬燈展出，到周末，有百人花燈創作坊及中秋花燈創作坊等活動，畀大家發輝創意。
由鑽石山去到紅磡，黃埔新天地由禮拜六起一連三晚，特別安排四名澳洲專家，表演大型火舞特技，以身體舞動煙火，配合燈光，產生特別視覺效果。
由東九龍過去西九龍，大角嘴港灣豪庭廣場禮拜六起三日，分別會有小丑雜技騷、中樂表演及中秋兔巡遊。
新界屯門市廣場已經擺放巨型燈籠，內藏逾千個月餅，估中月餅數目有獎；同時，周末場內會有猜燈謎遊戲。大埔超級城有摩登嫦娥大比拼。
至於港島，灣仔中環廣場今晚有慈善晚宴款，招待一百位伸手助人協會長者；柴灣新翠商場亦有中樂及舞蹈騷。