眾人媽打一聲話退，唔單止煲呔唔捨得佢，班區議員就更唔捨得，所以呢個禮拜去到各個區議會講拜拜，都有好感人場面。
好似噚日佢去咗九龍城同油尖旺，不但收到花，重收到一封英文信同感謝卡；灣仔區議會喺星期一就畀咗媽打一個驚喜，主席黃英琦預先張揚話媽打一定估唔到份禮物，原來係一幅好生鬼嘅漫畫，李麗娟被啲區議員圍住，好傳神。
收禮收到手軟，媽打話會搵間房嚟安置。八方同行家都有禮物收，就係每人一條福字電話繩同埋一個梨，意味「有福同享，永不分離」。
為官三十四年，李麗娟揀咗最後一日，即係十月十七日去觀塘區議會辭行，皆因佢第一份差事就係喺觀塘民政司處上班，實在好多回憶。
傳真︰2623-9278
電郵︰[email protected]
