南太集團主席顧明均又捐錢（佢曾經捐咗一億畀浸會大學），不過今次唔係畀香港嘅大學，而係南水北調，畀深圳大學嘅同學。顧生話，佢會攞二千萬出嚟，獎助深大四百個優秀學生，每人一年一萬蚊人民幣。內地大學生一年學費只不過一兩千，有一萬蚊好好使。
顧明均話，佢原本搞緊個「南太集團慈善基金」，專門統籌佢嘅捐款，但今次太急，所以用住佢自己名義捐；不過佢唔想要乜嘢命名權，事關覺得命唔命名冇所謂，佢話捐錢都係為咗培養下一代。
同佢傾開偈，佢話要多謝《蘋果》，點解？原來本報曾經報道港姐旅遊大使袁彌明力證佢阿爸有錢，而佢阿爸──即科苑嘅袁弓夷重欠南太債務，如果對方真係有錢還，咁就有錢收。
傳真︰2623-9278
電郵︰[email protected]