楊千嬅前晚到藝術中心為「假音人之陳浩峰爵士搖滾Ｋ唱會」擔任表演嘉賓，她與陳浩峰合唱兩首歌後，大讚對方唱歌好聽，問千嬅與之合唱可感壓力，她說：「大家玩下啫。」提到李英愛分不清千嬅與鄭秀文，千嬅表示：「似鄭秀文都開心，我都鍾意佢㗎，似佢都靚嘛，咁我咪係靚嘅二次方囉，我咁男仔性格，有機會都想做個靚男仔。」
自認腳頭好
問千嬅怕不怕被誤會是同性戀者，她說：「係人都知我鍾意男人，我腳頭好，一出世阿爺就發達，我媽咪將我扮成男仔咁囉。」千嬅提到欣宜為迪士尼扮白雪公主遭投訴，她說：「冇所謂啦，使乜咁認真，佢係細路仔嚟啫，個個女仔都想做公主㗎啦。」
採訪、攝影：卓美娟