港姐冠軍葉翠翠昨日在大嶼山拍攝特輯及放生祈福，被問到前男友阿安和阿威時，她承認阿安是前男友，但阿威只是普通朋友。葉翠翠表示報道刊出後，已致電前男友阿安道歉。
應屆香港小姐冠軍葉翠翠、亞軍陸詩韻、季軍林莉、鄧上文、許佩琪、袁彌明和港男黃長興、鄧仲謙等，昨日齊齊到大嶼山寶蓮寺拍攝無綫旅遊特輯，並由釋智慧大師主持祈福放生儀式，吸引大批遊客圍觀。
葉翠翠表示雖然沒有任何宗教信仰，但依然會誠心上香求平安，問她會否祈求遠離負面新聞，她說：「祈都唔會祈呢啲喇，因為我本身都唔係好介意，如果一陣記得咪祈埋。」
承認拍拖事件
本報早前接獲葉翠翠同學的電郵，內有其兩位前男友阿安和阿威的照片，葉翠翠昨日承認曾跟阿安拍拖，她對此說：「阿安係我前度男友，其實分開咗都有一段時間，不過大家都重有聯絡，因為呢件事，我都有同佢通過電話，大家第一個反應都係得啖笑，我重同佢講話唔好意思；而阿威我都識佢，大家係朋友冇拍過拖，我亦唔覺佢有追我。」
此外，一班港姐前晚在新加坡完成親善之旅返港，葉翠翠父母以及鄧上文的外籍男友特來接機。葉翠翠除了否認曾跟前男友阿安同居外，又被記者追問是否因參選港姐才與男友分手，她說：「我唔介意多是非，一早知香港小姐唔易做，有啲新聞好離奇，我暫時冇諗拍拖嘢，工作第一。」
採訪、攝影：駱華齡、王崇穎
